कुसगाव : सिंहगड टेक्निकल एज्युकेशन सोसायटीच्या कुसगाव येथील एस.के.एन. सिंहगड इन्स्टिट्यूट ऑफ टेक्नॉलॉजी अँड सायन्स येथे माजी विद्यार्थी मेळावा उत्साहात पार पडला. उपस्थित विद्यार्थ्यांनी जुन्या आठवणींना उजाळा दिला. ‘सिंहगड इन्स्टिट्यूट’ने दिलेल्या ज्ञान व कौशल्याच्या शिदोरीवरच मार्गक्रमण करत असल्याचे सांगून ‘सिंहगड’विषयी कृतज्ञता व्यक्त केली.
श्याम बिराजदार यांनी ‘सिंहगड’च्या प्लेसमेंटबद्दल अभिनंदन करून महाविद्यालयाला व संस्थेला शुभेच्छा दिल्या. पूजा पवार यांनी महाविद्यालयाच्या एकूणच प्रगतीची प्रशंसा केली. नवनाथ नाळे यांनी राष्ट्रीय सेवा योजनेमध्ये आम्ही घडलो याची आम्हास कायम आठवण राहील, असे भावपूर्ण उद्गार काढत पुन्हा एकदा कॉलेजला आल्यासारखे वाटते, असे मनोगत व्यक्त केले.
या वेळी प्राचार्य डॉ. मिलिंद रोहकले, विभागप्रमुख प्रा. नामदेव गावडे, प्रा. गणेश कदम प्रा. राजेश्वरी थाडी, प्रा. प्रशांत चौगुले, प्रा. सत्येंद्र कोठारी व इतर शिक्षक तसेच शिक्षकेतर कर्मचारी उपस्थित होते.
